Po vazhdon seanca gjyqësore në Gjykatën e Elbasanit ndaj ish-drejtorëve të rrugëve, të ndaluar pak ditë më parë me vendim të prokurorisë. Avokatët e pranishëm në seancë kanë argumentuar me fakte, shkeljet e bëra nga Prokuroria e Gjykata e Elbasanit në këtë rast.

Avokatët kontestuan faktin që vendimi i gjykatës për miratimin e masës së sigurimit të propozuar nga prokuroria ishte ‘copy paste’ me kërkesën e Prokurorisë së Elbasanit, gjë që është shkelje ligjore. U pranua edhe nga prokurorja fakti që ishte komunikuar me email.

Avokatët kanë kontestuar mënyrën e kontrollit të banesës, jashtë orareve ligjore dhe duke ushtruar terror në familjet e të akuzuarve.

Avokatët kanë kontestuar faktin që gjykata kishte pranuar pretendimin e Pro

prokurorisë se vlera e dëmit nga kontrata ishte sa gjithë vlera e kontratës, ndërkohë që rruga është përfunduar në 90 për qind të saj.

Prokurorja pretendon se është shkaktuar një dëm ekonomik ndërkohë që kontrata nuk ka përfunduar dhe garancia e punimeve në zotërim nga ARRSH është më e madhe se dëmi i pretenduar nga Prokuroria. Gjyqtarja u tërhoq sepse 4 avokatë u shprehen se ajo kish shkelur procedurat ligjore.

Kishte pranuar kërkesat absurde të prokurorisë, nuk kishte vlerësuar provat (nuk kishte asnjë provë në vendimin e Gjykatës për pranimin e masës së sigurimit të kërkuar nga Prokuroria) dhe ishte e paragjykuar për çështjen.

U kontestua fakti që ka kaq vite (mbi dy vjet) që hetohet çështja dhe te akuzuarit janë paraqitur rregullisht. Pse tani futen në burg. (Masë e sigurisë me burg). U kontestua gjithashtu dhe masa e sigurisë me burg, sepse ata nuk paraqesin rrezikshmëri shoqërore.

© SYRI.net